09 സെപ്റ്റംബർ 2017
പൊത്തോപ്പുറത്തു ദ്വിജനാകിയ ശ്രീധരന്നും
പാലായിലുത്തരമഠത്തിലെ ഗീതയാൾക്കും
ജാതൻ, മിടുക്കനതികോമളനായിടുന്ന
"ശ്രീദേവ്"നാമധര കണ്ണനു മംഗളങ്ങൾ!
തെക്കല്ലയാത പറവൂരിലു "കൃഷ്ണഗീതേ"
ശ്രീകൃഷ്ണ-ഗീതസുത സുന്ദരി സൗകുമാരി
ചെന്താമരയ്ക്കു സമമാകുമി "നീരജ"യ്ക്കി-
ന്നെന്നുള്ളിൽ നിന്നൊഴുകിടും ശുഭമംഗളങ്ങൾ!
ശ്രീദേവിനും ദയിതയാകുമി നീരജയ്ക്കും
ഉത്തുംഗഭാഗ്യ, സുഖ, ലീല, വിലാസ
ഭാവി
നേടീടുവാൻ പശുപതീശിഖജാത, തൻറെ
വാത്സല്യപൂരിത കടാക്ഷമയച്ചിടട്ടെ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ