01-06-2022
കസേരത്തുണി
എന്നും പൃഷ്ഠമമർത്തിയെന്നിലമരും വിപ്രൻ മഹാധൃഷ്ടനാ-
നെന്നോ"ടെന്തു വിശേഷ"മെന്നിതുവരെ ചോദിച്ചതേയില്ലഹോ
എന്നാലെന്നുടെ കാര്യമന്നൊരു ദിനം തെര്യപ്പെടുത്തേണമെ-
ന്നെന്നിൽ മോഹമുദിച്ചു, തുന്നൽ വിടുവിച്ചപ്പോൾ മഹാൻ ധീം ധ ധീം!
കവിത
പൃഷ്ഠം കുത്തി നിലത്തു വീണു, "ഹ ഹ ഹാ" കേഴും ദ്വിജൻ തന്നിലും
"എന്താണെ"ന്നു പരിഭ്രമിച്ചുടനെയാ വിപ്രൻറെ ചാരത്തണ-
ഞ്ഞേറ്റം ഹാസമുതിർത്തിടുന്ന വധുവിൻ ഭാവത്തിലും കാവ്യമാം.
കവിതയുണ്ടു പൊളിഞ്ഞ കസേരയിൽ
കവിതയുണ്ടു മുറിഞ്ഞൊരു ചേലയിൽ
കവിതയുണ്ടു ദ്വിജന്നുടെ വീഴ്ചയിൽ
കവിതയുണ്ടു ജഗത്തിലിതെങ്ങുമേ!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ