ഡോ. ജോയ് വാഴയിൽ സാറിന് മംഗളാശംസകൾ!

കേരളത്തിൻറെ പുതിയ ചീഫ് സെക്രട്ടറിയായി ചാർജ്ജെടുക്കുന്ന

ഡോ. ജോയ് വാഴയിൽ സാറിന് മംഗളാശംസകൾ!

 

മാറ്റങ്ങളാൽ ബന്ധിതമാണു പോലും

വിശ്വത്തിലുൾക്കൊണ്ട ചരാചരങ്ങൾ

"മാറ്റങ്ങളില്ലാത്തതു മാറ്റമൊന്നാ"-

ണെന്നേ മഹാത്മാക്കൾ പറഞ്ഞിരിപ്പൂ.

 

ഇല്ലാ മനുഷ്യന്നൊരു മുക്തി, യോർത്താ-

ലീ ലോകനീതിക്കു കടപ്പെടേണം.

ഓരോ നിമേഷത്തിലുമിപ്രപഞ്ചം 

മാറാതെ മാറ്റത്തിനെയാദരിപ്പൂ.

 

സാഹിത്യ സാംസ്കാരിക വേദിയെല്ലാം

നിറഞ്ഞു നിൽക്കുന്ന മഹാപ്രഭാവൻ

ഭാഷയ്ക്കു താങ്ങായിയുദിച്ചു നിൽപ്പോൻ

കാവ്യത്തെ നെഞ്ചേറ്റിയ സാർവ്വഭൗമൻ.

 

ദില്ലിക്കു ദത്തായ മകൻ മഹീയാൻ

പോകുന്നു, ദില്ലിക്കു മനം തകർന്നു

കണ്ണീർ പൊഴിപ്പൂ, നിനദം വസിപ്പൂ

സൗഖ്യം തരാൻ പ്രാർത്ഥന ചെയ്തു നിൽപ്പൂ.

 

കേരം നിറഞ്ഞുള്ളൊരു നാട്ടിലേക്കായ്

നൂനം ഗമിപ്പൂ ഗുരു വാഴയിൽ ജോയ്

ദില്ലിക്കു ദുഃഖം വിരിയിച്ച നഷ്ടം

സോത്സാഹമുൾക്കൊണ്ടിതു കല്പദേശം.

 

രാമക്ഷേത്രമതിങ്കലിന്നു പ്രഥമ സ്ഥാനീയനാം കർമ്മിയായ്

സ്ഥാനം പേറുക, മംഗളം തവ ഭവിച്ചീടും പരേശേച്ഛയാൽ

ഓതീടുന്നിഹ ഭാവുകങ്ങൾ തവ നൽക്കാര്യങ്ങളെന്നെന്നുമീ

നാടിൻ നന്മയുയർത്തിടട്ടെ, ജനവും മോദിച്ചിടട്ടേറ്റവും!

 

പൊത്തോപ്പുറം കേശവൻ ജയന്തൻ

11 ജനുവരി 2021